SOS Belelle

Despois das diversas alegacións presentadas ó proxecto de explotación de Andalucita no Pico Vello durante o ano 2007, parecía parado. Pero agora, tres anos despois, vense de dar publicidade no DOG á declaración de impacto ambiental na que entre outras lindezas se recoñece que "na área concreta de localización do proxecto prodúcese o necemento de dous regatos: o rego de Cernada e rego de Gallel, ambos os dous están incluídos na bacía do río Eume, aínda que tamén poden verse afectados os regos de Sisín, rego de Igrexa e regato de Teixido".

Dase a circunstancia de que o rego de Cernada é o nacemento do río Belelle e non un tributario do Eume. O río Belelle perdería, de levarse a cabo o proxecto, unha parte importante do seu caudal, que surte a unha parte da poboación de Ferrol.

Ademáis, as escorrentías e os resíduos vertidos con toda seguridade deixarían seriamente afectado a este fermoso río que tan ben se conserva.

Fonte: Galería de bocagei

http://www.flickr.com/photos/bocagei/4462704497/

http://www.flickr.com/photos/bocagei/4463482336/

Nota.- Recomendamos entrar nos enlaces da Galería onde hai interesantes comentarios.
____________________